NFTECHQ

Sunday, 25 February 2018


ஒப்பில்லா சிறப்புடன்
ஓய்வூதியர் சங்க பொதுக்குழு

24.02.2018 அன்று ஈரோடு பெரியார் மன்றத்தில் ஈரோடு மாவட்ட மத்திய அரசு ஓய்வூதியர் நலச் சங்கத்தின் பொதுக்குழுக் கூட்டம் தலைவர் அருமைத்தோழர்  D.மாணிக்கம் அவர்கள் தலைமையில் மிகச் சிறப்பாக நடைபெற்றது. செயல்பாடுகள் மற்றும் பிரச்னைகள் தீர்வு குறித்து பொதுச் செயலர் தோழர் S.ராஜசேகரன் விளக்கமாக எடுத்துரைத்தனர். நிதிநிலை குறித்து பொருளர் தோழர் C. ராமசாமி எடுத்துரைத்தார்.

"ஓய்வூதியர் வழிகாட்டி" என்னும் அற்புதமான பயன்மிகு தகவல்களுடன் கூடிய ஒரு நூல் வெளியிடப்பட்டது. அந்த நூலை 20  ரூபாய்க்குக் கொடுத்தது சேவைச் சிந்தனையின் எடுத்துக்காட்டு.
இந்த நூல் குறித்த அறினமுக உரையை  தோழர் மாலி எடுத்துரைத்தார். ஓய்வுபெற்ற ரயில்வே ஊழியர் அமைப்பின் செயலர் தோழர் சின்னசாமி நூலை வெளியிட   மூத்த தோழர் மு.வரதராஜன் பெற்றுக் கொண்டார்.

80வயதுக்கும் மேற்பட்டவர்கள் கெளரவிக்கப்பட்டனர்.

தோழர்கள் ஜெகதீசன், ராஜமாணிக்கம், செல்கவராஜன் ஆகியோர் உரையாற்றினர்.
தோழர் சண்முகம்  நன்றி கூறினார்.

750 உறுப்பினர்களில் சுமார் 400 தோழர் தோழியர்கள் பங்கேற்றனர்.

சிறப்பான செயல்பாட்டுக்கு எடுத்துக்காட்டாக்த் திகழும் இந்த அமைப்பு மேலும் வளரவும் செயல் சிறக்கவும் வாழ்த்துகிறோம்.

Saturday, 24 February 2018


அமைச்சருடன்
சந்திப்பு -24.02.2018

BSNL நிறுவனத்தின் தொழிற்சங்க தலைவர்கள் தொலைத்தொடர்புத்துறை அமைச்சரை இன்று சந்தித்தனர்.

BSNL ஊழியர்களுக்கு மூன்றாவது ஊதிய மாற்றம் அமல்படுத்தப்பட வேண்டும் என்பதில் தாம் உறுதியாக இருப்பதாக அமைச்சர் கூறினார்.


DOT செயலர் DPE- அணுகி கொடுக்கும் திறன் (affordability) என்ற நிபந்தனையில் இருந்து BSNLக்கு விலக்கு பெறவேண்டும் என்றும், அதன் பின் தான் அதற்கான மத்திய அமைசச்சரவையின் ஒப்புதலை பெற அனைத்து முயற்சிகளையும் செய்வதாகவும் உறுதியளித்தார்.


அதிகாரிகள் அல்லாத ஊழியர்களின் ஊதிய மாற்றக்குழுவை DPE வழிகாட்டல்படி BSNL உடனடியாக அமைக்கும் என்றும் அவர் உறுதியளித்தார்.


பென்ஷன் பங்களிப்பு மத்திய அரசு ஊழியர்களுக்கு உள்ளது போலவே (கடசியாக பெறும் அடிப்படை ஊதியத்தில்) BSNL ஊழியர்களுக்கும் பென்ஷன் பங்களிப்பு இருக்க வேண்டும் என்றும் அதற்காக தான் அனைத்து நடவடிக்கையும் எடுப்பதாகவும் அமைச்சர் கூறினார்.

ஓய்வூதியர்களின் ஓய்வூதிய மாற்றம் : DOT செயலரிடம் இது குறித்து உரிய நடவடிக்கை எடுக்குமாறு  அமைச்சர் கூறினார்.


டவர் கார்ப்பரேஷன் : தனியார் மயமாக்கவோ, பங்கு விற்பனைக்கோ அரசு முயற்சிக்காது எனறு அமைச்சர் கூறினார்.

BSNLல் பனிபுரிவோரின் ஓய்வு பெறும் வயதை 60லிருந்து 58 ஆகக் குறைக்கும் திட்டம் மத்திய அரசிடம் இல்லை என அமைச்சர் தெரிவித்தார்.
தனிடவர்கம்பெனி குறித்து விவாதம் நடைபெற்றது. ஆனால் அமைச்சர் இது குறித்து  சாதகமான கருத்து எதையும் தெரிவிக்கவில்லை.

ஒற்றுமை காத்து
ஓரணியில் நின்று
இமைசோரா விழிப்புடன் செயலாற்றி

சாதனை படைப்போம்


Friday, 23 February 2018


அமைச்சருடன் சந்திப்பு
BSNL அனைத்து தொழிற்சங்க  அமைப்புகளின் தலைவர்கள்
தொலைத்தொடர்புத்துறை அமைச்சர் திரு மனோஜ்சின்ஹா அவர்களுடன் பிரச்னைகள்  குறித்து 24.02.2018 பகல் 12 மணியளவில் விவாதிக்கவுள்ளனர்.


திரும்பப் பெறப்பட்டது
21.02.2018 அன்று BSNL ஊழியர்கள் சம்பந்தப்பட்ட பிரச்னையில் DOT தான் கொடுத்த கடிதத்தை திரும்பப் பெறுவதாக BSNL தலைமை அதிகாரிக்கு கடிதம் மூலம் தெரிவித்துள்ளது.

ஆண்டுப்  பேரவை

ஓய்வூதியர் சங்கத்தின் ஆண்டுப் பேரவை 24.02.2018 அன்று காலை 10 மணிக்கு நடைபறும்

DOT கடிதம்
BSNL  ஊழியர்களுக்கு மூன்றாவது ஊதிய மாற்றம் குறித்து DOT   21.02.2018 அன்று BSNL தலைமை அதிகாரிக்கு  ஒரு கடிதம் அனுப்பியுள்ளது. அந்த கடிதத்தின் நகலை BSNL அனைத்து சங்கங்களின்  பொதுச் செயலாளர்களுக்கும் BSNL நிர்வாகம் அனுப்பியுள்ளது.

அதன் விவரங்க்கள்

மூன்றாவது ஊதிய மாற்றம்

BSNL கடந்த சில ஆண்டுகளாக நட்டத்தில் இயங்கி வருகிறது.
2013-14 ல் ரூ 7124 கோடி
2014-15ல் ரூ 8843 கோடி
2015-16 ல் ரூ 4169 கோடி
2016-17ல் ரூ 4793 கோடி
ஆகஸ்ட் 2017ல் பொதுத்துறை நிறுவனங்களில் பணியாற்றுவோருக்கான ஊதிய மாற்றம் குறித்து மத்திய அரசு ஆகஸ்ட் 2017ல் உத்தரவு வெளியிட்டுள்ளது. நட்டத்தில் இயங்கும் பொத்துதுறை நிறுவனங்களுக்கு ஊதிய உயர்வுடன் (FITMENT) கூடிய ஊதிய மாற்றம் இல்லை என தெரிவிக்கப்பட்டுள்ளது. இந்த விதி BSNL நிறுவனத்துக்கும் பொருந்தும்.

ஓய்வூதிய மாற்றம்

BSNL நிறுவனத்தில் இணைந்தவர்கள் ஓய்வூதிய விதி 37Aன் கீழ் ஓய்வூதியம் பெற்று வருகின்றனர். 2007ல் பணியில் உள்ள ஊழியர்களுக்கு ஊதிய மாற்றம்   அமலான போது ஓய்வூதியர்களுக்கும் ஓய்வூதிய மாற்றம் அமல்படுத்தப்பட்டது. அதைப்போலவே மூன்றாவது ஊதிய மாற்றம் அமலாகும்போது ஓய்வூதிய மாற்றமும் அமலாகும்.

தனி டவர் நிறுவனம்

தனி டவர் நிறுவனம் அமைப்பது குறித்த முடிவை மத்திய அரசு செப்டம்பர் 2017ல் எடுத்தது. இந்த நிறுவனம் BSNL நிறுவனத்துக்கே முழுமையும் சொந்தமான நிறுவனமாக இருக்கும். 04.01.2018ல் BSNL டவர் கம்பெனி துவங்கி செயல்படத் துவங்கி விட்டது


பனி ஓய்வு வயதுக் குறைப்பு மற்றும் விருப்ப ஓய்வுத் திட்டம்

ஓய்வு பெறும் வயதை 60லிருந்து 58 ஆகக் குறைப்பது, விருப்ப ஓய்வுத் திட்டம் போண் றவை BSNLல் இல்லை.


டெல்லியில் பேரணி
இன்று (23.02.2018) டெல்லியில் தொலைத்தொடர்புத்துறையின் அலுவலகமான சஞ்சார் பவன் நோக்கி பேரனியும் முற்றுகைப் போராட்டமும் நடைபெறுகிறது.

Tuesday, 20 February 2018

ஊதிய மாற்றம்
பிரதமர் அலுவலக விளக்கம்
BSNL ஊழியர்களுக்கு  ஊதிய மாற்றம் வழங்குவது சம்பந்தமாக
22/12/2017
அன்று நமது NFTE சங்கம்  பிரதமர் அவர்களுக்கு கடிதம் எழுதியிருந்தது.
DPE இலாக்காவிடமிருந்து நமது பொதுச்செயலருக்கு
அதற்கான பதில் 31/01/2018 அன்று அனுப்பப்பட்டுள்ளது.
பொதுத்துறை ஊழியர்களுக்கான
8
வது ஊதிய மாற்றம் சம்பந்தமாக
24/11/2017
அன்று DPE தனது
வழிகாட்டுதலை வெளியிட்டுள்ளதென்றும்
அதில் குறிப்பிடப்பட்டுள்ள  வழிகாட்டுதல்களில்
விலக்குப்பெறவேண்டுமெனில்
மத்திய அமைச்சரவையின் ஒப்புதல் வேண்டுமெனவும்.
அதற்காக DOT அணுக வேண்டுமெனவும்
நமது பொதுச்செயலருக்கு கடிதம் அறிவுறுத்தியுள்ளது.

DOTஐச் சந்தித்து அதன் மூலம்  ஊதிய மாற்றம் அளிப்பதற்கு
BSNL
க்கு நட்டத்திலிருந்து விலக்கு  என்னும் பரிந்துரை பெறப்பட்டு
மத்திய அமைச்சரவையின்  ஒப்புதல் பெறப்பட்ட பின்பே
நமது ஊதிய மாற்றம் என்பது  நடைமுறைக்கு வரும்.

Saturday, 17 February 2018

அஞ்சலி

தோழர் K. ராமலிங்கம் இயற்கை எய்தினார் என்பதை வருத்தத்துடன் அறிவிக்கிறோம்.

NFPTE பேரியக்கதில் ஈரோடு தொலைபேசிக் கோட்டத்தின் E3 சங்கத்தின்  மாவட்டச் செயலராகப் பணியாற்றியவர் தோழர் ராமலிங்கம்.
NFTE பேரியக்கத்தின் ஈரோடு மாவட்டச் சங்கத்தின் மாவட்ட உதவிச் செயலாராகப் பணியாற்றிய தோழர்.
ஈரோடு மாவட்டச் சங்கத்தின் இணையதளத்தைத் துவக்கி சில ஆண்டு காலம் பராமரித்த தோழர்.
கணிணியில் ஆழ்ந்த அறிவாற்றல் பெற்ற தோழர்.
பணிநிறைவு பெற்று இரு ஆண்டுகளே ஆன நிலையில்
ஒரு விபத்தின் விளைவாக அவர் காலமானார் என்பது ஆழ்ந்த வருத்தமளிக்கிறது.

அவரது மறைவுக்கு மாவட்டச் சங்க்கம் சார்பாக அஞ்சலியையும் அவரது குடும்பத்தாருக்கு ஆழ்ந்த் இரங்க்கலையும் காணிக்கையாக்குகிறோம்.
நாடாளுமன்றத்தில்
டவர் கம்பெனி
நாடாளுமன்றத்தில் தனி டவர் கம்பெனி
அமைப்பது குறித்து எழுப்பப்பட்ட கேள்விக்கு  அமைச்சர் அளித்த பதில்

BSNL நிறுவனத்தில் தற்போது 66847 மொபைல் டவர்கள் உள்ளன. இவற்றில் 61124 டவர்கள் BSNL நிறுவனத்தின் சொந்த நிதி ஆதாரம் மூலம் நிறுவப்பட்டவை. 5723 டவர்கள் USO ந்தி உதவியுடன் நிறுவப்பட்டவை. இந்த டவர்களை ஒரு தனி கம்பெனி மூலம் பராமரிக்க  அரசு முடிவு செய்துள்ளது.  இந்த் கம்பெனி BSNL நிறுவனத்துக்கே முழுமையாக சொந்தமானதாக இருக்கும்.  அந்த டவர் கம்பெனி இரண்டு ஆண்டுகளில் நிதிநிலையைவளமாக்கி, நிலைத்த தன்மையை  மேம்படுத்தும். பிற்கு மற்றொரு நிறுவனதைப் பங்குதாரராக  இணைது

செயல்படும்.